Wednesday, 22 October 2014
Tuesday, 21 October 2014
ഗണിത പഠനം-സംഖ്യാ വ്യാഖ്യാനത്തില് ഗണിതപ്പെട്ടിയിലെ സാമഗ്രികള് എങ്ങനെ ഉപയോഗിക്കാം? ഒരു ക്ലാസ്സ് റൂം അനുഭവം.
മൂന്നാം ക്ലാസ്സിലെ ഗണിത പഠനമാണ് പശ്ചാത്തലം . യൂണിറ്റിന്റെ പേര് 'കൂട്ടിച്ചേര്ക്കാം'. ഒരു രണ്ടക്ക സംഖ്യയെ വ്യത്യസ്ത സംഖ്യാ ജോടികളുടെ തുകയായി എഴുതാന് കഴിയുകയെന്നതാണ് ഈ യൂണിറ്റിലെ ആദ്യ പഠന നേട്ടം.ഉദാ;(40+30=70,45+25=70).
7 0 എന്ന സംഖ്യക്ക് ഇത്തരം പരമാവധി സങ്കലന ജോടികള് കണ്ടുപിടിക്കുക എന്നതാണ് പ്രവര്ത്തനം.
ക്ലാസ്സ്മുറിയില് ആദ്യം അധ്യാപകന് പ്രശ്നം അവതരിപ്പിച്ചു.
കുട്ടികളുടെ ഗ്രൂപ്പുകള് വിവിധ പരിഹാര മാര്ഗങ്ങള് ആലോചിച്ചു.
70 -ല് കുറവായ പല സംഖ്യാ ജോടികള് ശ്രമ പരാജയ രീതിയില് പരീക്ഷിക്കുകയാണ് എല്ലാവരും ചെയ്തത്.മാത്രമല്ല മിക്കവര്ക്കും ഒന്നിലധികം ജോടികള് കണ്ടെത്താന് കഴിഞ്ഞതുമില്ല.
അധ്യാപകന്റെ സഹായം അനിവാര്യമായ ഘട്ടത്തില് ഗണിതപ്പെട്ടിയിലെ സാമഗ്രികള് ഉപയോ ഗപ്പെടുതാന് തീരുമാനിച്ചു .
ഗണിതലാബിലെ 'counting cubesticks' (പത്തുകളുടെ ആറു സ്ടിക്കുകളും ഒന്നുകളുടെ പത്തെണ്ണവും) തിരഞ്ഞെടുത്തു..ആകെ എണ്ണം എഴുപത് എന്ന് കുട്ടികള് കണ്ടെത്തി.
ഇനി എന്താണ് വേണ്ടത്?
രണ്ടു കൂട്ടങ്ങളാക്കാമെന്ന്അവര് തന്നെ തീരുമാനിച്ചു .
കുട്ടികളില് ഒരാള് അതിനെ രണ്ട് കൂട്ടങ്ങളാക്കി.
7 0 എന്ന സംഖ്യക്ക് ഇത്തരം പരമാവധി സങ്കലന ജോടികള് കണ്ടുപിടിക്കുക എന്നതാണ് പ്രവര്ത്തനം.
ക്ലാസ്സ്മുറിയില് ആദ്യം അധ്യാപകന് പ്രശ്നം അവതരിപ്പിച്ചു.
കുട്ടികളുടെ ഗ്രൂപ്പുകള് വിവിധ പരിഹാര മാര്ഗങ്ങള് ആലോചിച്ചു.
70 -ല് കുറവായ പല സംഖ്യാ ജോടികള് ശ്രമ പരാജയ രീതിയില് പരീക്ഷിക്കുകയാണ് എല്ലാവരും ചെയ്തത്.മാത്രമല്ല മിക്കവര്ക്കും ഒന്നിലധികം ജോടികള് കണ്ടെത്താന് കഴിഞ്ഞതുമില്ല.
അധ്യാപകന്റെ സഹായം അനിവാര്യമായ ഘട്ടത്തില് ഗണിതപ്പെട്ടിയിലെ സാമഗ്രികള് ഉപയോ ഗപ്പെടുതാന് തീരുമാനിച്ചു .
ഗണിതലാബിലെ 'counting cubesticks' (പത്തുകളുടെ ആറു സ്ടിക്കുകളും ഒന്നുകളുടെ പത്തെണ്ണവും) തിരഞ്ഞെടുത്തു..ആകെ എണ്ണം എഴുപത് എന്ന് കുട്ടികള് കണ്ടെത്തി.
ഇനി എന്താണ് വേണ്ടത്?
രണ്ടു കൂട്ടങ്ങളാക്കാമെന്ന്അവര് തന്നെ തീരുമാനിച്ചു .
കുട്ടികളില് ഒരാള് അതിനെ രണ്ട് കൂട്ടങ്ങളാക്കി.
ഓരോ കൂട്ടവും എണ്ണി ബോര്ഡിലെ പട്ടികയില് രേഖപ്പെടുത്തി..
ഇപ്പോള് വിദ്യ പിടികിട്ടി. .......
ഒരു കൂട്ടത്തില് നിന്ന് എടുത്തു മാറ്റി രണ്ടാം കൂട്ടത്തില് ചേര്ത്താലോ ...?
അങ്ങനെ ബോര്ഡിലെ പട്ടിക വികസിക്കുകയായ്....
ഇനി എത്ര ജോടികള് കൂടി കണ്ടുപിടിക്കാം...?
ഓരോ ഗ്രൂപും വ്യത്യസ്ത സാമഗ്രികള് ഉപയോഗിച്ചാലോ?....
ശരി....
ഒന്നാം ഗ്രൂപ്പിന് ഈര്ക്കിലിയും കമ്പുകളും തരാം......
ദേ ഞങ്ങള് പുതിയൊരു ജോഡി കണ്ടുപിടിച്ചു.....
47 ഉം 23 ഉം.
രണ്ടാം ഗ്രൂപ്പിന് തടികൊണ്ടുള്ള counting block കള് .........
ഞങ്ങള്ക്കും കിട്ടി........
34 ഉം 36 ഉം ....
സാറേ ഞങ്ങള്ക് എന്താണ് തരുന്നത്?......(മൂന്നാം ഗ്രൂപ്പുകാര്...)
"നിങ്ങള് മഞ്ചാടി ഉപയോഗിച്ചോളൂ....."
വേഗം എഴുതിക്കോ....50,20
അവസാന ഗ്രൂപ്പുകാര് ഇതെടുത്തോ....
ഏതു ഗ്രൂപ്പാണ് കൂടുതല് ജോടികള് കണ്ടെത്തുക...?
"എങ്കില് ഞങ്ങള്ക് അല്പ സമയം തരൂ....."
....
.......
...........
സാറെ.......
ഞങ്ങളുടെ നോട്ടുബുക്കിലെ പൂര്ത്തിയാക്കിയ പട്ടിക കണ്ടോ...?
ആരാണ് ഇവരെ കണക്കു പഠിപ്പിച്ചത്?
മാഷോ അതോ ഈര്ക്കില് കെട്ടുകളോ?
ഈര്ക്കില് തന്നെ...
Tuesday, 14 October 2014
സ്കൂള് ദിനാചരണങ്ങള്
സെമിനാര് ഒരുക്കങ്ങള് .....
പ്രദര്ശനത്തിനുള്ള മുന്നൊരുക്കം ......
സെമിനാറിൽ നിന്ന്......
ചാന്ദ്ര ഗാനങ്ങളുടെ അവതരണം...
സെമിനാർ സദസ്..
ബഷീര് ദിനം (ജൂലൈ 21)
വിദ്യാരംഗം ക്ലബിന്റെ നേതൃത്വത്തിലാണ് ബഷീര് ചരമ ദിനം ആചരിച്ചത്.ബഷീര് കൃതികളുടെ പ്രദര്ശനം,ബാല്യകാലസഖി,പാത്തുമ്മയുടെ ആട് എന്നീ കൃതികളുടെ വായന ,ബഷീര് പതിപ്പ് നിര്മ്മാണം ,ബഷീര് ക്വിസ് , 'ബഷീര് കഥാപാത്രങ്ങള് സ്കൂളില് ' എന്നിവയായിരുന്നു രണ്ടു ദിവസമായി നടത്തിയ പരിപാടികള്.പതിപ്പുകള് ഗ്രൂപ്പുകള് മത്സരാടിസ്ഥാനത്തില് നിര്മിച്ചു.ഓരോ ഗ്രൂപും ഓരോ ബഷീര് കഥാപാത്രത്തെ രംഗത്ത് എത്തിച്ചു.
അദ്ധ്യാപിക ശ്രീമതി.എ. സരിതക്കുട്ടി ബഷീറിനെ അനുസ്മരിച്ചു സംസാരിച്ചു.ശ്രീമതി. നീന ആന്റണി ബഷീര് ക്വിസ് നയിച്ചു.പതിപ്പ് നിര്മാണത്തിന് പ്രധാനാധ്യാപിക ശ്രീമതി. വി. വിജയലക്ഷ്മിയും വിദ്യാരംഗം മെന്റര് ശ്രീ .പി. തോമസും പിന്തുണ നല്കി.വിദ്യാരംഗം ക്ലബ് ലീഡര് ബിന്ദുജ കൃഷ്ണന്, അര്ജുന് മോഹന് എന്നിവര് പരിപാടികള്ക്ക് നേതൃത്വം നല്കി.
ബഷീര് കഥാപാത്രങ്ങള് ഗ്രൂപ്പ് ലീഡര്മാര്ക്കൊപ്പം (സുഹറ,ഒറ്റക്കണ്ണന് പോക്കര്,പൊന്കുരിശുതോമ,ആനവാരി രാമന് നായര് )
സ്വാതന്ത്ര്യ ദിനം
സാമൂഹ്യ ശാസ്ത്ര ക്ലബിന്റെ നേതൃത്വത്തിലായിരുന്നു സ്വാതന്ത്ര്യ ദിന പരിപാടികള് സംഘടിപ്പിച്ചത്. വാര്ഡു മെമ്പര് ശ്രീമതി.ജിജി അഭിലാഷ് ആയിരുന്നു മുഖ്യ അഥിതി.ഗ്രാമദീപം യൂത്ത് ക്ലബും ആഘോഷങ്ങളില് പങ്കാളികളായി.വാര്ഡു മെമ്പര് രാവിലെ
8 .30 -ന് പതാക ഉയര്ത്തി.
ശേഷം കവലയിലേക്കു സ്വാതന്ത്ര്യ സന്ദേശ റാലി പുറപ്പെട്ടു.
റാലിയില് ഇന്ത്യയുടെ വിവിധ പ്രതീകവേഷങ്ങളുംഅണിനിരന്നു.
തുടര്ന്ന് സ്വാതന്ത്ര്യദിനപ്രസംഗ മത്സരം,ദേശഭക്തിഗാനമത്സരം ,തുടങ്ങിയവയും ഗ്രൂപ്പ് അടിസ്ഥാനത്തില് നടത്തി.പ്രധാനാധ്യാപിക കുട്ടികള്ക് സ്വാതന്ത്ര്യ ദിന സന്ദേശം നല്കി.മധുരപലഹാര വിതരണത്തോടെ ചടങ്ങുകള് അവസാനിച്ചു.
Friday, 10 October 2014
എന്റെ പള്ളിക്കൂടം - ചിത്രങ്ങളിലൂടെ
02/06/2014
ഈ വര്ഷത്തെ പ്രവേശനോല്സവത്തിനു മുന്നോടിയായി സംഘടിപിച്ച റാലി.
ശ്രിമതി മാരിയത് ബീവി(എ.ഇ.ഓ),. ശ്രീ. സി. പുഷ്പന് (ബി. പി.ഓ), ശ്രീ പി. സി. മോനിച്ചന് (ബ്ലോ.പ. മെമ്പര്) എന്നിവര് മുന്നിരയില്.
ബ്ലോക്ക് പഞ്ചായത്ത് പ്രസിഡണ്ട് ശ്രീമതി ലിസമ്മ സ്കറിയ എസ്. എം. സി.ചെയര്മാന് ശ്രീ.കെ.പി. അശോക് കുമാറിന് രക്ഷിതാക്കള്ക്കുള്ള കൈപ്പുസ്തകം കൈമാറി പ്രകാശനം
ചെയ്യുന്നു.
06/06/2014
ഞങ്ങളുടെ സ്കൂളില് അഞ്ച് ക്ലബുകള് പ്രവര്ത്തിക്കുന്നുണ്ട്.ഓരോ ക്ലബിനും ഓരോ ടീച്ചര് mentor -ഉം ഉണ്ട്.ഓരോ ക്ലബിന്റെയും പ്രവര്ത്തന പുരോഗതി വിശദീകരിക്കുന്ന ചാര്ട്ട് സ്ഥാപിച്ചിട്ടുണ്ട്.പട്ടികയില് നേതാക്കളുടെ പേരും രേഖപ്പെടുത്തിയിട്ടള്ളതിനാല് അവര് ആവേശത്തോടെ പ്രവര്ത്തനങ്ങള് ഏറ്റെടുക്കുന്നു.
ഇത് അക്കാദമിക- ഇതര പ്രവര്ത്തനങ്ങളും മത്സരങ്ങളും നടത്തുന്നതിന് വേണ്ടിയുള്ള വാര്ഷിക അടിസ്ഥാനത്തിലുള്ള ക്രമീകരണം. സ്കൂളിലെ എല്ലാ കുട്ടികളെയും ഉള്പെടുത്തി നാല് ഗ്രൂപ്പുകള് വര്ഷാരംഭത്തില് രൂപീകരിക്കും.ഭാരതീയ ശാസ്ത്രജ്ഞന്മാരുടെ പേരുകളാണ് ഈ വര്ഷം ഗ്രൂപ്പുകള്ക് നല്കിയത്. ദിനാചരണങ്ങള് വരുമ്പോള് ചുമതല ഓരോ ഗ്രൂപും പങ്കിട്ടെടുക്കും.
പ്രവര്ത്തനം/പ്രകടനം/ പങ്കാളിത്തം/മത്സരം വിലയിരുത്തി സ്കോറും നല്കും.ഈ സ്കോര് പ്രത്യേകം പട്ടികയില് പ്രദര്ശിപ്പിക്കും( ചിത്രം കാണുക )
26/06/2014
ഒരു മാസത്തെ അവസാന എസ്. ആര്.ജി. യോഗത്തില് അടുത്ത മാസത്തെ പ്രവര്ത്തന കലണ്ടര് രൂപപെടുത്തണമെന്നാണ് ഞങ്ങള് തീരുമാനമെടുത്തിട്ടുള്ളത്.ക്ലബ് പ്രവര്ത്തനങ്ങള്,വാര്ഷിക പദ്ധതി പ്രകാരമുള്ള പരിപാടികള് ,ദിനാചരണങ്ങള്,പരിശീലനപരിപാടികള്,അക്കാദമിക വിഷയങ്ങള് ഇവയെല്ലാം ഉള്പ്പെടുത്തിയാണ് കലണ്ടറിന്റെ രൂപീകരണം. ഇപ്രകാരം തയ്യാറാക്കിയ ജൂലൈ മാസ പ്രവര്ത്തന കലണ്ടര് കാണുക.
൦6/07/2014
"ശുചിത്വ പോലിസ് "-നെക്കുറിച്ച്
വ്യക്തി ശുചിത്വത്തില് കുട്ടികള് ഏറെ പിന്നിലാണെന്ന തിരിച്ചറിവാണ് ഈ പദ്ധതിയിലേക്ക് നയിച്ചത്.കുട്ടികള് തന്നെ മുന്കൈയ്യേടുക്കുകയും അത് അവരുടെ ഒരു അനുശീലനമായി മാറുകയും ചെയ്തെങ്കിലേ പ്രയോജനമുള്ളൂവെന്നു മനസിലാക്കിയിരുന്നു.അങ്ങനെ ശുചിത്വ പോലിസ് എന്ന പദ്ധതിയുണ്ടായി.കുട്ടികള് തന്നെയാണ് ഇവിടെ പോലിസ്.മാസം തോറും പോലിസ് അംഗങ്ങള് മാറും. ആഴ്ചയിലൊരിക്കല് ശുചിത്വ പോലീസിന്റെ പരിശോധനയുണ്ടാവും.ദിവസം മുന്കൂട്ടി പറയില്ല.എല്ലാ കുട്ടികളെയും വരിയില് നിര്ത്തി നഖം,വസ്ത്രം,ചെരുപ്പ്,മുടി, പല്ല് തുടങ്ങിയവ പരിശോധിക്കും .പ്രശ്നങ്ങലുള്ളവര്ക്ക് പോലിസ് 'താക്കീത്' നല്കും.(പോലീസിനു നഖം വെട്ടി, ചീര്പ്പ് മുതലായ സാമഗ്രികളുണ്ട്). അവര് ഉള്പെട്ട ഗ്രൂപ്പുകളുടെ സ്കോര് നഷ്ടപ്പെടും.അടുത്തയാഴ്ച ഇവരെ മെച്ചപ്പെടുത്താന് ക്യാപ്റ്റന്മാര് മുന്കയ്യെടുക്കണം.(ഒരു ക്യാപ്റ്റന് പരിശോധന ദിനത്തില് മുന്കൂട്ടി തന്റെ ഗ്രൂപിലെ ഒന്നാം ക്ലാസ്സുകാരന്റെ നഖം വെട്ടുന്നത് പിന്നീട് കണ്ടു.)
ഗണിതലാബ്
ഗണിത പഠനത്തില് പ്രശ്ന വിശകലന ശേഷിയില് ഭൂരിഭാഗം കുട്ടികളും പിന്നാക്കം നില്ക്കുന്നത് സ്കൂളിന്റെ ഒരു പോരായ്മയായി കണ്ടാണ് ഗണിതലാബ് സജ്ജീകരിക്കാന് തീരുമാനിച്ചത്.മൂര്ത്തമായ അനുഭവങ്ങള് സമ്മാനിക്കുന്നതിലൂടെ പഠനം എളുപ്പമാക്കാമെന്ന് SRG ചിന്തിച്ചു .അപ്രകാരം ഈര്ക്കില്കെട്ടുകള്, മഞ്ചാടി,കമ്പുകള്, സ്ട്രോ, മുളവടി സ്കെയില്, തീപ്പെട്ടികൊള്ളികള് തുടങ്ങി ലളിതമായ സാമഗ്രികള് ലാബിലേക്ക് ശേഖരിച്ചു.SSA -യില് നിന്ന് maths Lab ഉപകരണങ്ങളും ലഭിച്ചു.Soma cube,Tangram,Geo board,pentominoes,measuring instruments,weighing scale,Abacus, Fraction disks,Clocks തുടങ്ങി അന്പതോളം ഇനങ്ങള് ഇപ്പോള് ഗണിത ലാബിലുണ്ട്.ഗണിത ക്ലബ് ലീഡറും പ്രധാനാധ്യപികയും ചേര്ന്നാണ് ലാബ് ഉദ്ഘാടനം നിര്വഹിച്ചത്.
വിദ്യാലയ വാര്ത്തകള്
സ്കൂള് അസ്സംബ്ലി സജീവമാക്കുക,ചില ശീലങ്ങളുടെ സമാ യോജനം സാധ്യമാക്കുക,'വാര്ത്ത' എന്ന വ്യവഹാര രൂപത്തിന്റെ ഘടനയും സവിശേഷതകളും പരിചയപ്പെടുത്തുക,വാര്ത്തയെ ഴുത്തില് പ്രായോഗിക പരിശീലനം നല്കുക ,'അനുഭവാധിഷ്ടിത വിദ്യാലയം' സാധ്യമാക്കുക തുടങ്ങിയ ലക്ഷ്യങ്ങള് മുന്നില് കണ്ടു ആരംഭിച്ച പരിപാടി.അസംബ്ലിയിലെ പത്രവായനക്ക് ശേഷം വിദ്യാലയവാര്തകളും വായിക്കും. തലേദിനം വിദ്യാലയത്തില് നടന്ന കാര്യങ്ങളാണ് വാര്ത്തയുടെ വിഷയം.
ജന്മദിനാഘോഷം,പതിപ്പുകളുടെ നിര്മാണം,നാടകം/ റോള് പ്ലേ തുടങ്ങിയ പ്രകടനങ്ങള് ,മികച്ചതായി തെരെഞ്ഞെടുക്കപ്പെട്ടവയെക്കുരിച്ചുള്ളസൂചനകള്,മത്സരഫലങ്ങള് ഇങ്ങനെ എന്തും വാര്ത്തയായി മാറാം.ചില കുസൃതിക്കാരും വാര്ത്തയില് ഇടം പിടിച്ചേക്കാം .ഓരോ ദിവസത്തെയും വാര്ത്ത തയ്യാറാക്കേണ്ട ചുമതല വീതിച്ചു നല്കും.അവര് എല്ലാ ക്ലാസ്സില് നിന്നും വിവരങ്ങള് ശേഖരിക്കണം.വാര്ത്ത പിറ്റേ ദിനം എഴുതി തയ്യാറാക്കി അവതരിപ്പിക്കണം.ഇവ ഒരു പതിപ്പായി മാറും.
ചിരാത്- രചനകളുടെ പ്രദര്ശന ഫലകം
ക്ലാസ്സ് റൂമിലെ മികച്ച ഉത്പന്നങ്ങള് /രചനകള് /പതിപ്പുകള് എന്നിവ എങ്ങനെ മറ്റുള്ളവര് അറിയും? ഞങ്ങളുടെ ഉത്തരമാണ് 'ചിരാത്'.സ്കൂള് വരാന്തയിലാണ് ചിരാതിന്റെ സ്ഥാനം.ഓരോ ദിവസവും ക്ലാസ് റൂം പഠനപ്രക്രിയയുടെ ഭാഗമായി ഉണ്ടാകുന്ന ഉത്പന്നങ്ങളില് മികച്ചവ ചിരാതില്പ്രസിദ്ധീകരിക്കും. എല്ലാവരും കാണ്കെ തങ്ങളുടെ രചനകള് പ്രദര്ശിപ്പിക്കാനുള്ള അവസരം ചിരാത് ഒരുക്കുന്നു.വിലയിരുത്തല് സൂചകങ്ങളെ അടിസ്ഥാനമാക്കിയാണ് രചനകളുടെ തിരഞ്ഞെടുപ്പ്. രചനകളുടെ തിരഞ്ഞെടുപ്പില് കുട്ടികള്ക്കാണ് കൂടുതല് പങ്കാളിത്തം. ചിത്രങ്ങള് /വ്യവഹാരരൂപങ്ങള്/നിര്മിതികള് /ഗ്രൂപ്പ് ഉത്പന്നങ്ങള് എന്നിവ ചിരാതിലേക്ക് പരിഗണിക്കും.ഇവക്കു മാത്രമായി ക്ലാസ് തലത്തില് പതിപ്പ് പരിഗണിക്കുന്നുണ്ട്.വിദ്യാലയ വാര്ത്തയില് ചിരാത് രചനകളും ഇടം പിടിക്കും.
ഒന്നാം ക്ലാസ്സിലെ മാളവിക കെ. എം.'മഴ' ആശയമായി വരുന്ന ഭാഷ ക്ലാസ്സില് തീപെട്ടി കമ്പുകള് കൊണ്ട് നി ര്മിച്ച 'കുട ' കണ്ടുനോക്കു....
മറ്റു ചില ദിവസങ്ങളിലേതു.........
Subscribe to:
Comments (Atom)